kya karoon guftaar tumse?
ke waqt katauti kar raha hain
lafz kahaan se chun kar laaun tumhaare waaste?
ke kahawatein shaheed si ho chuki hain aur hum bas yoon hi gumsum se reh gaye hain
kaun nagar jaakar kis kachehre mein khojun tumhaara dilaasa?
ke khafa ho rahe ho tum duniya se
kis khuda ko dastak doon?
ke mera toh khuda hi tum mein bas ta hain aur tum kambakht ko yeh maloom bhi nahin
khair
duaaein meri har dum har saans mein tumhaari ho chuki hain
o humsafar
gar kaarwaanon mein kaanton se mulaaqaat ho teri
yaad kar lena mujh ko
tere ashqon ka dariya mere seene mein failega
meri khushiyon ka daaman tujh ko aabaad kar dega
~devotica,2008
No comments:
Post a Comment